مسنگ پرسنز قرار دیے گئے افراد جن کا تعلق بعد ازاں مسلح نیٹ ورکس سے سامنے آیا

ندیل علی ولد خیر محمد کو “لاپتہ شہری” ظاہر کیا جا رہا ہے۔ لیکن کچھ سوشل میڈیا رپورٹس کے مطابق نادل علی دراصل بی ایل اے (بلوچستان لبریشن آرمی) کا ایک کمانڈر ہے اور اس وقت بھی بلوچستان کے پہاڑوں میں موجود ہے۔ مگر بلوچ یکجہتی کمیٹی (BYC) نے اسے ایک عام "مزدور" ظاہر کرتے ہوئے دعویٰ کیا کہ اُسے ریاستی اداروں نے اغوا کر لیا ہے۔

یہ شخص ندیل علی، جس کے بارے میں BYC نے 8 فروری کو "جبری گمشدگی" کی مہم چلائی، دراصل بی ایل اے کی مجید بریگیڈ سے منسلک ہے، اور وہ انہی تنظیمی کیمپوں میں موجود ہے جن سے پاکستان کے خلاف حملے ہوتے ہیں۔

اس کی وردی، بی ایل اے کے جھنڈے والی ٹوپی، اور پہاڑوں میں اس کی موجودگی یہ سب ثبوت بتاتے ہیں کہ یہ شخص کسی ہوٹل سے اغوا ہونے والا بے قصور شہری نہیں، بلکہ ایک مسلح جنگجو ہے۔

ایمان مزاری نے اگست 2023 میں سالم کیلئے ٹویٹ کی تھی اور ڈی جی آئی ایس پی آر سے جواب مانگا تھا کہ سالم کہاں ہے ۔ اس کے بعد ماہرنگ بلوچ اور اسکی تنظیم بی وائی سی بھی سالم بلوچ کو مسنگ پرسن قرار دے کر اس کی گمشدگی کا ذمہ دار ایجنسیوں کو قرار دیتی رہی۔

آج ڈھائی سال بعد دہشتگرد تنظیم بی ایل اے نے سالم کی تصویر جاری کی ہے اور ساتھ ہی بتایا ہے کہ سالم نے ستمبر 2023 میں بی ایل اے میں شمولیت اختیار کی اور آپریشن ہیروف 2 میں حصہ لیا اور اسی دوران ہلاک ہوگیا۔

دہشت گرد کریم جان ولد فضل بلوچ تربت کا رہائشی تھا۔ 5مئی 2022کو لا پتہ ہوا اور اسکو مسنگ پرسنز کی لسٹ میں شامل کر لیا گیا۔ بی وائی سی سمیت کئی تنظیمیں اس کے لیے آواز اٹھاتی رہیں۔
20 مارچ 2024ء کو گوادر میں بی ایل اے کا ایک بڑا حملہ ہوتا ہے۔ دہشتگرد گوادر پورٹ اتھارٹی ( جی پی اے ) کمپلیکس میں گھسنے کی کوشش کرتے ہیں جس کو سیکیورٹی فورسز ناکام بنا دیتی ہیں۔ تمام 8 دہشتگردوں کو واصل جہنم کردیا جاتا ہے اور فائرنگ کے شدید تبادلے میں دو جوان بھی شہید ہوتے ہیں۔ ہلاک ہونے والے دہشتگردوں میں ایک کریم جان ولد فضل بلوچ تھا۔ جس کے بعد رپورٹس ملتی ہیں کہ وہ بلوچ لبریشن آرمی کی طرف سے کئی حملے کر چکا تھا۔

یاسر بلوچ کو بلوچ یکجہتی کمیٹی کی جانب سے 24 فروری 2025 کو اغواء ہونے کا دعوٰی کیا گیا جبکہ حقیقت میں یہ بی ایل اے کی مجید برگیڈ کا رکن تھا۔
بی ایل اے کی جانب سے آپریشن درۂ بولان کیا گیا اور اس آپریشن کے بی ایل اے کی جانب سے دو فیز بتائے گئے پہلا فیز فروری 2024 مچ شہر میں اور دوسرا فیز جعفر ایکسپریس حملہ بتایا گیا۔ اسی آپریشن کے دوسرے فیز مارچ کے دوران سیکورٹی فورسز کی جانب سے کاروائی کی صورت میں یاسر بلوچ ہلاک ہوا جس کو بی ایل اے نے خراج تحسین پیش کیا اور مسلح تصویر بھی جاری کی.

بلوچ یکجہتی کمیٹی (BYC) نے دعوی کیا کہ ولید ولد عبدالمجید کو 3 جنوری 2026ء کو سیکیورٹی فورسز نے کراچی لیاری سے اغوا کر لیا ہے۔ اسکو مسنگ پرسن قرار دے دیا گیا۔
پھر اسی ولید کی پہاڑوں میں کھانا پکاتے تصاویر سوشل میڈیا کی زینت بنیں۔ ان پوسٹس میں بتایا گیا کہ ولید ولد عبدالمجید بی ایل اے کی مجید بریگیڈ کا فدائی (خودکش حملہ آور) ہے، جو کئی سالوں سے بی ایل اے کا سرگرم رکن ہے۔ اس نے نہ صرف دہشتگردی کی تربیت حاصل کر رکھی ہے بلکہ کئی خفیہ مشنوں میں بھی شامل رہا ہے۔
اس انکشاف کے بعد اس دعوے کو تقویت ملی کہ بلوچ یکجہتی کمیٹی (BYC) دراصل بی ایل اے کے لیے میڈیا فرنٹ کے طور پر کام کر رہی ہے۔ ان کا کام ہے بی ایل اے کے دہشتگردوں کو "معصوم شہری" بنا کر پیش کرنا، ریاستی اداروں کو بدنام کرنا، اور نوجوانوں کو گمراہ کرنا۔

اکبر المعروف طاہر بلوچ کو بلوچ یکجہتی کمیٹی نے 7 جون 2025 کی شام 8 بجے غائب ہونے کے بعد مسنگ پرسن قرار دیا اور اغواء کا الزام (ایف سی) پر لگایا حالانکہ 8 فروری 2026 کی صبح پاکستانی سیکورٹی فورسز نے زمران میں قائم بی ایل ایف کے کیمپ پر ڈرون حملہ کیا تو اس کے نتیجہ میں چار دہشت گرد ہلاک ہوئے تھے۔ اس حملہ کے بعد بی ایل ایف نے ایک بیان جاری کیا اور چاروں ہلاک دہشتگردوں میں سے اکبر المعروف طاہر بلوچ کو بھی اپنی مسلح تنظیم کا رکن تسلیم کیا اور یہ بھی واضح کیا کہ اکبر المعروف طاہر بلوچ نے 13 مارچ 2025 کو بی ایل ایف میں شمولیت اختیار کی تھی۔

شہزاد بلوچ کو بلوچ یکجہتی کمیٹی نے مسنگ پرسن ظاہر کر کے مبینہ طور پر 4 جون 2022 کو قلات سے اغواء ہونے کا دعوٰی کیا تھا اور رہائی کیلئے بلوچ یکجہتی کمیٹی و دیگر تنظیموں نے احتجاج بھی ریکارڈ کروائے۔ حقیقت میں شہزاد بلوچ مسلح دہشت گرد تنظیم بی ایل سے تعلق رکھتا تھا اور یہ اپنے دیگر ساتھیوں کے ہمراہ 12 جولائی 2022 کو لیفٹنٹ کرنل بیگ مرزا اور اس کے کزن کو فیملی کے سامنے جب وہ زیارت سے واپس کوئٹہ سفر کررہے تھے اغواء کیا اور دونوں کو شہید کردیا۔ لیفٹنٹ کرنل بیگ مرزا اور اس کے کزن کی بازیابی کیلئے سیکورٹی فورسز نے خفیہ معلومات پر زیارت میں کاروائی عمل میں لائی تھی جس کے نتیجہ میں تقریبا 9/10 دہشتگرد مارے گئے تھے اسی دوران لیفٹنٹ کرنل بیگ مرزا نے جام شہادت نوش کیا۔ بازیابی کیلئے کیے گئے آپریشن کے دوران شہزاد بلوچ ہلاک ہوا۔ اس کی ہلاکت پر بی ایل اے نے فخر کیا اور اس کی قبر پر بی ایل اے کا جھنڈا بھی لہرایا۔

نعیم سٹکزئی کو بلوچ یکجہتی کمیٹی و دیگر بلوچ پسند جماعتوں کی جانب سے مسنگ پرسن بتایا گیا اور مبینہ طور پر 6 اگست 2024 کو اغواء ہونے کا دعوٰی کیا گیا تھا لیکن نعیم سٹکزئی مسلح گروپ بلوچ لبریشن آرمی کا سرگرم رکن تھا اور سیکیورٹی فورسز و دیگر جگہوں پر متعدد حملوں میں ملوث تھا اور جولائی 2025 میں بی ایل اے کی جانب سے امچ ریجن میں پاکستان سیکورٹی فورسز پر ریموٹ کنٹرول (آئی ای ڈی) اور شدید فائرنگ سے حملہ کیا گیا تھا اور سیکورٹی فورسز کی جوابی کاروائی میں نعیم سٹکزئی ہلاک ہوا ۔ بلوچ لبریشن آرمی نے نعیم سٹکزئی کی جانب سے کیے دہشتگردانہ حملوں کی تصدیق بھی کی اور سیکورٹی فورسز کے درمیان جاری مسلحہ لڑائی میں ہلاکت کی بھی تصدیق کی اور اس کی ہلاکت پر فخر کیا۔