خیبرپختونخوا میں پی ٹی آئی کی بدترین کارکردگی اور کرپشن

5 دسمبر 2023 کو شائع ہونے والی آڈٹ رپورٹ میں KP Cities Improvement Project میں تقریباً 8.48 ارب روپے کی بے ضابطگیوں کی نشاندہی کی گئی۔ رپورٹ کے مطابق منصوبے کے مالی ریکارڈ، ادائیگیوں اور کنٹریکٹس میں تضادات سامنے آئے۔ معاملہ متعلقہ حکام کے نوٹس میں لایا گیا اور وضاحت طلب کی گئی۔ اگرچہ کیس حتمی عدالتی فیصلے تک نہیں پہنچا، لیکن آڈٹ کی سنگین نوعیت نے صوبائی ترقیاتی منصوبوں کی نگرانی پر سوالات کھڑے کیے۔ یہ کیس پی ٹی آئی کی صوبائی حکومت کے دوران مالی شفافیت کے چیلنجز کی ایک مثال کے طور پر رپورٹ ہوا۔

13 ستمبر 2025 کو شائع ہونے والی میڈیا رپورٹس میں انکشاف کیا گیا کہ پشاور میں عالمی بینک کے تعاون سے جاری ایک ترقیاتی منصوبے میں تقریباً 10 کروڑ 60 لاکھ روپے کی مالی بے ضابطگی سامنے آئی۔ رپورٹ کے مطابق یہ رقم جعلی چیکس اور مشکوک ادائیگیوں کے ذریعے سرکاری اکاؤنٹس سے نکلوائی گئی۔ ابتدائی تحقیقات میں مالیاتی ریکارڈ میں تضادات، منظوری کے عمل میں خامیاں اور نگرانی کے نظام میں کمزوریوں کی نشاندہی کی گئی۔ حکام نے متعلقہ بینک اکاؤنٹس منجمد کرنے اور ذمہ دار افراد کے تعین کے لیے انکوائری شروع کرنے کی تصدیق کی۔ چونکہ یہ منصوبہ بین الاقوامی مالی معاونت سے چل رہا تھا، اس لیے اس واقعے نے نہ صرف صوبائی مالی نظم و نسق بلکہ بیرونی فنڈز کے استعمال میں شفافیت کے معیار پر بھی سوالات کھڑے کیے۔ یہ کیس صوبائی سطح پر نگرانی اور احتساب کے نظام کی کمزوری کو ظاہر کرتا ہے اور اسے پی ٹی آئی کی صوبائی حکومت کے دور میں بدانتظامی اور مالی بے ضابطگی کی ایک نمایاں مثال کے طور پر پیش کیا جاتا ہے۔

16 جولائی 2025 کو نیب نے کوہستان کرپشن کیس میں تقریباً 25 ارب روپے مالیت کے اثاثے ضبط کرنے کا اعلان کیا۔ سرکاری بیان کے مطابق ضبط شدہ اثاثوں میں 77 قیمتی گاڑیاں، 30 مکانات، 12 دکانیں، 25 فلیٹس، 12 کمرشل پلازے اور 100 سے زائد جائیدادیں شامل ہیں۔ مزید برآں 5 ارب روپے سے زائد رقم مختلف بینک اکاؤنٹس میں منجمد کی گئی جبکہ غیر ملکی کرنسی اور سونا بھی برآمد کیا گیا۔ حکام کے مطابق یہ کارروائی جعلی ادائیگیوں اور سرکاری فنڈز کے غلط استعمال سے متعلق تحقیقات کا حصہ تھی۔
اکتوبر 2025 تک NAB نے Rs40 ارب کوہستان سکینڈل میں 22 سے زائد ملزمان (سرکاری افسران، کنٹریکٹرز، اور بینکرز) کو گرفتار کیا۔ یہ سکینڈل پی ٹی آئی کی 12 سالہ حکمرانی کے دوران ترقیاتی فنڈز میں کرپشن کی ایک واضح مثال کے طور پر سامنے آیا۔

16 اگست 2024 کو خیبر پختونخوا کے صوبائی وزیر شکیل احمد نے اپنے عہدے سے استعفیٰ دے دیا۔ میڈیا رپورٹس کے مطابق انہوں نے اپنے استعفے میں صوبائی حکومت کے اندر بدعنوانی، انتظامی مداخلت اور شفافیت کی کمی پر شدید تحفظات کا اظہار کیا۔ ان کا مؤقف تھا کہ بعض محکموں میں فیصلے میرٹ کے بجائے سیاسی بنیادوں پر ہو رہے ہیں جس سے حکومتی کارکردگی متاثر ہو رہی ہے۔
یہ واقعہ اس لیے اہم سمجھا گیا کیونکہ الزامات اپوزیشن کی جانب سے نہیں بلکہ حکومتی صفوں کے اندر سے سامنے آئے۔ اس استعفے نے صوبائی انتظامی ڈھانچے اور احتساب کے نظام پر سنجیدہ سوالات اٹھائے

21 مئی 2025 کو نیشنل اکاؤنٹیبلٹی بیورو (نیب) نے خیبرپختونخوا حکومت کے ایک سینئر عہدیدار اور اہم پی ٹی آئی رہنما کے خلاف تقریباً 40 ارب روپے کے بڑے کرپشن اسکینڈل کی تحقیقات شروع کیں۔ نیب نے ان اکاؤنٹس کا سراغ لگایا جو کے پی خزانے سے منسوب اکاونٹس میں سے غیر قانونی طور پر اثاثوں کی خریداری میں استعمال ہوئے، جس میں ایک لیڈر نے ہیزارا علاقے میں قیمتی جائیداد خریدی۔
تفتیش کے مطابق رقم صوبائی خزانے سے نجی اکاونٹس میں منتقل ہوئی، جس نے مالی بے ضابطگیوں کے سنگین الزامات کو جنم دیا ہے۔
ایسے بڑے کرپشن کیسز پی۔ٹی۔ائی حکومت کی بدعنوانی کے خلاف عوامی تشویش کو بڑھا رہے ہیں۔ حالیہ عرصے میں خیبرپختونخوا میں پی ٹی آئی کے دور میں بدعنوانی کے واقعات بڑھتے دکھائی دیتے ہیں۔

جولائی 2025 میں جاری ہونے والے گیلپ پاکستان کے ایک سروے کے مطابق خیبرپختونخوا میں پی ٹی آئی حکومت کی کارکردگی پر عوامی اعتماد میں نمایاں کمی دیکھنے میں آئی۔ یہ سروے فروری اور مارچ 2025 میں صوبے کے مختلف اضلاع میں کیا گیا جس میں شہریوں نے بیروزگاری، مہنگائی، بنیادی سہولیات کی کمی اور ترقیاتی کاموں میں سست روی پر تشویش کا اظہار کیا۔
رپورٹ کے مطابق ایک دہائی سے زائد عرصے تک اقتدار میں رہنے کے باوجود عوام کی بڑی تعداد نے حکومتی کارکردگی کو توقعات کے مطابق قرار نہیں دیا۔ سیاسی مبصرین کا کہنا ہے کہ طویل حکمرانی کے باوجود مسائل کا برقرار رہنا حکومتی صلاحیت پر سوالات اٹھا رہا ہے۔
ایسے سروے نتائج ظاہر کرتے ہیں کہ خیبرپختونخوا میں پی ٹی آئی کی کارکردگی اور گورننس کے حوالے سے عوامی بے چینی اور بداعتمادی میں حالیہ عرصے میں اضافہ ہوا ہے۔

صوبہ خیبرپختونخوا میں پی ٹی آئی کی صوبائی حکومت نے مجموعی طور پر مختلف اسپتالوں کے لیے 98 کروڑ روپے کے دستانے منگوائے۔ ان میں سے صرف 42 کروڑ کے دستانے اسپتالوں تک پہنچے اور اسپتالوں نے رپورٹ کیا کہ 56 کروڑ کے دستانے ہم تک پہنچے ہی نہیں ہیں اور وہ دستانے یا انکی رقم بیچ میں کہیں غائب ہوگئی ہے۔ یاد رہے کہ کے پی کے صحت کا شعبہ عمران خان کا کزن ڈاکٹر نوشیروان برکی براہ راست کنٹرول کرتا ہے۔

کوہستان کرپشن اسکینڈل بنیادی طور پر ضلع کوہستان میں مختلف ترقیاتی کاموں کے نام پر نکالے گئے سرکاری فنڈز کا ایک میگا کرپشن کیس ہے، جس میں جعلی کمپنیوں کی مدد سے تقریباً 40 ارب روپے کی رقم نکالی گئی۔ یہ رقوم ایسے 'ترقیاتی کاموں' کے لیے نکالی گئیں جو کبھی ہوئے ہی نہیں تھے۔ کوہستان میں حالیہ بارشوں میں دوبارہ لوگ ڈوبے ہیں۔ وہاں تو ضروری پل بھی نہیں بنے ہیں۔ یہ بدعنوانی 2019ء سے دسمبر 2024ء تک جاری رہی۔

اس کرپشن اسکینڈل میں اعظم سواتی کا نام سب سے نمایاں ہے، جبکہ اس کا مرکزی ملزم ایک ٹھیکیدار محمد ایوب ہے، جس نے پشاور ہائی کورٹ میں پلی بارگین کی درخواست بھی دی ہے، یعنی وہ کرپشن تسلیم کر رہا ہے لیکن "کچھ لو کچھ دو" پر معاملہ ختم کرنا چاہتا ہے۔

جس وقت عمران خان نے خیبرپختونخوا کی حکومت سنبھالی تو صوبے پر 97 ارب روپے قرضہ تھا۔ لیکن آج تیرہ سال بعد صوبے کا قرضہ بڑھتے بڑھتے 723 ارب روپے ہوچکا ہے۔ یعنی صرف 13 سال میں پی ٹی آئی کے زیر قیادت صوبے کا قرضہ 7 گنا بڑھ گیا۔ اس وقت پی ٹی آئی ہر سال پاکستان کی تاریخ کا سب سے بڑا قرضہ لے رہی ہے۔