پاک فوج پر لگے بڑے الزامات اور انکی حقیقت

یہ الزام افغان طالبان، پی ٹی ائی اور انڈین اکاؤنٹس نے لگایا جب پاکستان نے طالبان کی ایک ڈرون فیسلٹی پر حملہ کیا۔ تاہم اس حوالے سے سید مزمل شاہ نے ایک افغان میڈیا کی رپورٹ شئیر کی جس کے مطابق 'منشیات بحالی مرکز' کے ساتھ ہی وہ ڈرون بنانے کی فیکٹری تھی جس کا پاکستان بار بار کہہ رہا تھا اور جسکی تصاویر بھی جاری کیں کہ ہم نے ڈرون فیکٹری کو تباہ کیا ہے۔

امید سنٹر (منشیاب بحالی مرکز) کے ایک طرف ڈرون بنانے کی فیکٹری، دوسری طرف ڈرون اڑانے کا میدان، تیسری طرف طالبان کا کیمپ کنٹینر، سپیشل یونٹ سائٹ اور پولیس ہیڈ کواٹر بھی موجود ہے۔ اس لیے وہاں سے پاکستانی لڑاکا طیاروں پر فائرنگ بھی ہوئی جس کی ویڈیوز بھی موجود ہیں۔

مبصرین کے مطابق طالبان نے ملٹری انسٹالیشنز کے بیچ میں ایک منشیات بحالی مرکز بنا دیا تاکہ حملہ ہو تو اس پر پروپیگنڈا کر سکیں۔ جوں ہی ڈرون سائٹ تباہ ہوئی سارے نشئی بھاگ گئے جس کے بعد وہ آگ اس منشیات بحالی سنٹر تک پہنچی۔ اسی لیے طالبان کے پاس سینکڑوں لاشیں موجود نہیں ہیں دیکھانے کو اور اے آئی تصاویر پوسٹ کر رہے ہیں۔

یہ دعویٰ کہ “پاک فوج 80٪ بجٹ کھا جاتی ہے” اعدادوشمار کی روشنی میں درست نہیں۔ پاکستان کے وفاقی بجٹ اور جی ڈی پی کے سرکاری ڈیٹا سے واضح ہوتا ہے کہ دفاعی اخراجات اس کے قریب بھی نہیں ہیں۔ مثلاً مالی سال 2024–25 میں پاکستان کا کل وفاقی بجٹ تقریباً 18.9 ٹریلین روپے تھا، جبکہ دفاعی بجٹ تقریباً 2.1 ٹریلین روپے رکھا گیا۔ یوں دفاعی اخراجات کل وفاقی بجٹ کا لگ بھگ 11٪ بنتے ہیں، نہ کہ 80٪۔

اگر جی ڈی پی کو دیکھیں تو پاکستان کا مجموعی جی ڈی پی تقریباً 410–420 ارب ڈالر (تقریباً 115–120 ٹریلین روپے) کے قریب ہے، جبکہ دفاعی اخراجات جی ڈی پی کا تقریباً 1.7–2٪ بنتے ہیں۔ عالمی سطح پر بھی یہ شرح غیر معمولی نہیں؛ کئی ممالک اپنے جی ڈی پی کا اس سے زیادہ حصہ دفاع پر خرچ کرتے ہیں۔

اصل میں پاکستان کے بجٹ کا سب سے بڑا حصہ قرضوں پر سود (Debt servicing) میں جاتا ہے، جو بعض برسوں میں 40–50٪ تک پہنچ جاتا ہے۔ اس کے بعد ترقیاتی، سبسڈی اور سول حکومتی اخراجات آتے ہیں۔ اس تناظر میں “80٪ بجٹ فوج لے جاتی ہے” کا بیانیہ اعدادوشمار سے ثابت نہیں ہوتا اور حقائق کے منافی ہے۔

عافیہ صدیقی ایک تعلیم یافتہ اور نسبتاً خوشحال پاکستانی خاندان سے تعلق رکھتی تھیں اور 1990 کی دہائی میں امریکہ گئیں، جہاں انہوں نے تعلیم حاصل کی اور بعد میں امریکی شہریت بھی حاصل کی۔ ان کی دو شادیاں ہوئیں جو ان کی اپنی پسند سے تھیں۔ وہ القاعدہ سے منسلک ہوگئیں اور دورانِ تفتیش خالد شیخ محمد نے بھی ان کا نام لیا۔ 2008 میں افغانستان میں افغان فورسز کے ہاتھ لگنے کے بعد انہیں امریکہ کے حوالے کیا گیا، جہاں ایک واقعے میں مبینہ طور پر انہوں نے امریکی اہلکاروں پر فائرنگ کی کوشش کی، جس پر انہیں سزا سنائی گئی۔

ان کی گرفتاری اور حوالگی کے بارے میں مختلف بیانیے موجود ہیں۔ نہ پاکستان نے انہیں گرفتار کرنے کا اعتراف کیا اور نہ ہی امریکہ نے کہا کہ پاکستان نے انہیں حوالے کیا۔ ان ان کے سابق شوہر ڈاکٹر امجد اور ماموں کے بیانات موجود ہیں کہ وہ شناخت چھپا کر 2008ء پاکستان میں ہی رہیں اور پھر افغانستان چلی گئیں جہاں وہ افغان فورسز کے ہتھے چڑھ گئیں۔ کچھ دیگر شواہد بھی موجود ہیں کہ جن سے معلوم ہوتا ہے کہ پاک فوج پر یہ ملزم بلکل بے بنیاد ہے۔