عمران خان کی کرپشن، بےایمانی اور مالی بےضابطگیاں

عمران خان نے توشہ خانے سے گراف کمپنی کا سونے کا بنا ایک پن خریدا۔ اس پن پر 1466 ہیرے جڑے ہوئے تھے۔ عمران خان نے اس پن کی قیمت 15 لاکھ روپے لگائی۔ پھر اس کا 20٪ یعنی 3 لاکھ روپے جمع کروا کر پن خرید لیا۔ عمران خان کا موقف تھا کہ میں نے پن 7 لاکھ میں بیچ دیا۔

گراف مہنگا ترین برینڈ ہے جو اپنی ایک خاص گھڑی 55 ملین ڈالر تک بیچتا ہے جو پاکستانی روپوں میں 15 ارب روپے بنتے ہیں۔ گراف برینڈ کا صرف نام لگ جائے تو وہ چیز کروڑوں کی ہوتی ہے۔ پن پر جو 1466 اعلی کوالٹی کے ہیرے لگے تھے اگر صرف ان کی بات کریں تو عمران خان صاحب نے ایک ہیرے کی قیمت 1 ہزار روپے لگائی۔ پھر اس کو 200 روپے فی ہیرا کے حساب سے خرید کر 500 روپے فی ہیرا بیچ دیا۔

عمران خان پر 190 ملین پاؤنڈ کرپشن کیس ہے۔ انہوں نے بطور وزیراعظم برطانیہ کی نیشنل کرائم ایجنسی (NCA) سے آنے والی خطیر رقم کو قومی خزانے میں جمع کرانے کے بجائے ملک ریاض کو فائدہ پہنچانے کے لیے استعمال کیا اور مذکورہ رقم اس کے ایک اور کیس کے جرمانے میں ایڈجسٹ کردی۔ یہ رقم دراصل پاکستان کے ضبط شدہ اثاثوں کے بدلے میں ریاست کو ملنی تھی، مگر کابینہ سے مبینہ طور پر حقائق چھپا کر معاہدے کی منظوری لی گئی۔ اس کے نتیجے میں ریاست کو اربوں روپے کا نقصان ہوا جبکہ ایک نجی ہاؤسنگ منصوبے کو براہِ راست فائدہ پہنچا۔ اس میں عمران خان اور اسکی بیوی نے 8 ارب روپے کی مالیت کی زمین، نقد رقم اور زیورات رشوت کی شکل میں لیے۔ یہ کیس عمران خان کے اس بیانیے کے برعکس ہے جس میں وہ خود کو کرپشن کے خلاف علمبردار قرار دیتے رہے۔