1) تعارف

TopicLogs.com ایک ایسا پلیٹ فارم ہے جہاں آپ مختلف موضوعات کے تحت وہ معلومات محفوظ کرتے ہیں جو آپ روزانہ میڈیا، انٹرنیٹ یا براہِ راست مشاہدے میں دیکھتے ہیں — جیسے خبریں، بیانات، اسکرین شاٹس، تصاویر، ویڈیوز یا لنکس کی شکل میں۔

یہ سوشل میڈیا سے مختلف ہے۔ یہاں مقصد ذاتی رائے یا جذبات کا اظہار نہیں، بلکہ غیر جانبدار اور حقائق پر مبنی معلومات کو ایک مستقل اور قابلِ حوالہ ریکارڈ کی صورت میں محفوظ کرنا ہے۔

مثلاً:

• کیا ہوا؟
• کب اور کہاں ہوا؟
• اس کا ثبوت یا حوالہ کیا ہے؟

یہ پلیٹ فارم وکیپیڈیا سے بھی مختلف ہے۔ یہاں موضوعات محدود نہیں ہوتے اور ہر صارف کوئی بھی ایسا موضوع تخلیق کر سکتا ہے جو عوامی دلچسپی کا حامل ہو اور جس پر لوگ مزید جاننا چاہیں۔ انہیں ہم موضوعات (Topics) کہتے ہیں۔

TopicLogs میں کسی موضوع پر مضمون نہیں لکھا جاتا، بلکہ اس موضوع سے متعلق معلومات اور شواہد وقت کے ساتھ ایک فہرست کی صورت میں جمع ہوتے رہتے ہیں، جنہیں ہم لاگز (Logs) کہتے ہیں۔

اگر آپ کی نظر سے کوئی ایسی چیز گزرے جو محفوظ کرنے کے قابل ہو، تو اسے متعلقہ موضوع کے تحت شامل کر دیجیے۔ اس سے نہ صرف دوسروں کو فائدہ ہوتا ہے، بلکہ آپ کو انعامی موضوعات پر معاوضہ ملتا ہے۔

2) موضوع (Topic) کیا ہے؟

موضوع (Topic) کسی ایک مخصوص معاملے، سوال، شخصیت، واقعے یا مسئلے کا عنوان ہوتا ہے، جس کے تحت معلومات جمع کی جاتی ہیں۔

ہر Topic کا مقصد یہ ہوتا ہے کہ کسی ایک چیز یا مسئلے سے متعلق تمام اہم معلومات ایک ہی جگہ، منظم انداز میں محفوظ ہو سکیں۔

مثال کے طور پر:

• کسی واقعے کی مکمل ٹائم لائن
• کسی شخصیت کے بیانات یا اقدامات
• کسی تنازع یا مسئلے سے متعلق حقائق اور شواہد
• کسی کھلاڑی یا ٹیم کی کارکردگی اور اہم ریکارڈز
• کسی قدرتی مظہر، جانور یا ماحولیاتی تبدیلی سے متعلق دلچسپ حقائق
• سائنس، ٹیکنالوجی یا تحقیق سے جڑی اہم معلومات

وقت کے ساتھ اس موضوع کے اندر نئی معلومات لاگز (Logs) کی صورت میں شامل ہوتی رہتی ہیں۔

3) Topic کیسے بنائیں؟

1. اوپر مینو یا مناسب جگہ سے نیا موضوع / Create Topic پر جائیں۔
2. عنوان (Title) واضح اور مخصوص رکھیں تاکہ فوراً سمجھ آ جائے موضوع کس بارے میں ہے۔
3. مختصر خلاصہ/تفصیل لکھیں کہ اس Topic کے اندر کس قسم کی معلومات جمع ہوں گی۔
4. Topic بننے کے بعد اسی صفحے پر متعلقہ معلومات Logs کی صورت میں شامل کرتے رہیں۔

4) ڈپلیکیٹ Topics بنانے کی اجازت نہیں

• ایک ہی موضوع دو بار نہیں بنایا جائے گا۔ اگر کسی شخصیت/ایونٹ/عنوان پر پہلے سے Topic موجود ہو تو اسی Topic کو استعمال کریں۔
• صرف الفاظ یا ٹائٹل تھوڑا بدل کر نیا موضوع بنانا منع ہے، اور ایسا Topic ہٹایا جا سکتا ہے۔
• مثال: اگر "Cristiano Ronaldo Achievements" کے نام سے Topic موجود ہے تو "Ronaldo’s Football Achievements" یا "Career of Cristiano Ronaldo" کے نام سے نیا Topic ڈپلیکیٹ سمجھا جائے گا۔
• نئے Topic کی اجازت تب دی جاتی ہے جب موضوع واقعی الگ ہو، مثلاً: "سری لنکا کی خانہ جنگی — عمومی تعارف" اور "سری لنکا کی خانہ جنگی — 2009 کے بعد کی سیاسی صورتِ حال" الگ فوکس ہوں تو الگ Topic ممکن ہے۔

نوٹ: یہ پلیٹ فارم کسی بھی ٹاپک کو وجہ بتائے بغیر ہٹا سکتا ہے۔

اگر Topic پہلے سے موجود ہو تو نیا Topic بنانے کے بجائے اسی Topic کے اندر نیا لاگ شامل کریں۔

5) لاگ (Log) کیا ہے؟

لاگ (Log) کسی موضوع کے تحت شامل کی جانے والی انفارمیشن، تصویر، ویڈیو یا ریفرنس وغیرہ کی شکل کی ایک انٹری ہوتی ہے۔ یاد رہے کہ لاگز سوشل میڈیا کی طرح آپ کی رائے یا کوئی جذباتی بیان نہیں، بلکہ صرف غیرجانبدارانہ انفارمیشن ہوتی ہے جو موضوع کے مطابق ہو۔

ایک Log ایک ہی نکتہ، واقعہ یا انفارمیشن پر مشتمل ہوتا ہے — اور ایک اچھا لاگ ان سوالات کا جواب دیتا ہے:

• کیا ہوا؟
• کب اور کہاں ہوا؟
• یہ معلومات کس ذریعے سے آئی؟
• اس کا ثبوت یا حوالہ کیا ہے؟

6) Log کیسے شامل کریں؟

1. متعلقہ Topic کھولیں، پھر لاگ شامل کریں / Add New Log پر کلک کریں۔
2. عنوان مختصر اور واضح رکھیں (ایک پوائنٹ / ایک واقعہ)۔
3. متن میں غیر جانبدار انداز سے صرف حقیقت لکھیں، ذاتی رائے سے گریز کریں۔
4. جہاں ممکن ہو حوالہ/لنک اور ثبوت شامل کریں (اسکرین شاٹ، تصویر، ڈاکومنٹ وغیرہ)۔
5. لاگ پہلے Pending میں جائے گا؛ منظوری کے بعد عوامی ہوگا۔

7) ڈپلیکیٹ Logs بنانے کی اجازت نہیں

• ایک ہی Topic پر ایک ہی لاگ دوسری بار نہیں لگایا جائے گا۔ اگر آپ نے پہلے ہی اسی موضوع پر تقریباً وہی مواد جمع کر دیا ہے تو اسی کو اپڈیٹ کریں۔
• معمولی لفظی تبدیلی، ترتیب بدلنے یا چند جملے آگے پیچھے کرنے سے لاگ "نیا" نہیں بن جاتا؛ اگر مجموعی مواد وہی ہو تو اسے ڈپلیکیٹ سمجھا جا سکتا ہے۔
• مثال: اگر "Team X won match Y on date Z" والا لاگ پہلے سے موجود ہے تو اسی بات کو دوسرے الفاظ میں لکھ کر دوبارہ لاگ بنانا منع ہے؛ نئی معلومات (مثلاً نیا ثبوت/نیا بیان/نئی تاریخ) ہو تو اسی میں add کریں یا واضح نئے پوائنٹ پر نیا لاگ بنائیں۔

نوٹ: یہ پلیٹ فارم کسی بھی لاگ کو وجہ بتائے بغیر ہٹا سکتا ہے۔

8) اکاؤنٹ بنانا اور لاگ اِن

1. اوپر مینو سے اکاؤنٹ بنائیں پر جائیں اور بنیادی معلومات درج کریں، یا Google کے ذریعے سائن اِن کریں (اگر آپشن فعال ہو).
2. لاگ اِن ہونے کے بعد آپ نیا موضوع بنا سکتے ہیں، لاگز شامل کر سکتے ہیں، والٹ دیکھ سکتے ہیں اور نوٹیفکیشنز حاصل کرتے ہیں۔

9) تصویریں/میڈیا

• واضح، متعلقہ اور مناسب سائز کی فائلیں اپلوڈ کریں (بہتر ہے 2–3 MB سے کم)۔
• جہاں ممکن ہو سورس/کریڈٹ کا ذکر کریں، خاص طور پر اگر تصویر کسی نیوز ایجنسی یا فوٹوگرافر کی ہو۔
• ایسی تصاویر نہ اپلوڈ کریں جن میں غیر ضروری تشدد، عریانی یا کسی کی بے عزتی ہو، جب تک واضح تحقیقی مقصد اور پالیسی کے مطابق نہ ہو۔

10) منظوری (Moderation) کا عمل

• ایڈمن اور موڈریٹرز رہنما اصول کے مطابق لاگز کا جائزہ لیتے ہیں اور انہیں منظور یا مسترد کرتے ہیں۔
• رد ہونے پر آپ کو وجہ/مشورہ دیا جا سکتا ہے؛ بہتری کے بعد آپ دوبارہ بہتر لاگ جمع کر سکتے ہیں، لیکن وہ پہلے لاگ کی کاپی نہیں ہونا چاہیے۔
• قواعد کی سنگین خلاف ورزی پر لاگ حذف اور اکاؤنٹ پر پابندی بھی لگ سکتی ہے۔

11) فالو اور نوٹیفکیشن

• Topic کے صفحے پر فالو بٹن سے آپ اس Topic کی نئی منظوریوں اور اہم تبدیلیوں کی اطلاع حاصل کر سکتے ہیں۔
• اپنی نوٹیفکیشنز اوپر گھنٹی آئیکن سے دیکھیں۔

12) باؤنٹی/انعام (اگر فعال ہو)

• کچھ موضوعات انعامی ہو سکتے ہیں؛ اس کی تفصیل Topic کے صفحے پر نظر آتی ہے۔
• معیار پر پورا اترنے والے منظور شدہ لاگز پر انعام مل سکتا ہے۔
• صرف انعام کی خاطر جلدی میں ناقص یا ڈپلیکیٹ مواد جمع نہ کریں، ورنہ رد بھی ہو سکتا ہے۔

13) والٹ (Wallet)

• اپنے والٹ کی صورتحال اوپر والٹ آئیکن سے دیکھیں؛ وہاں بیلنس، انعامات اور لین دین کی تفصیل ملتی ہے۔
• جمع/نکالنے کے مراحل پالیسی کے مطابق ایڈمن کے ذریعے پروسیس ہوتے ہیں؛ ہر درخواست کو کچھ وقت لگ سکتا ہے۔

14) عمومی اصول

• قابلِ احترام زبان، غیر جانب دارانہ انداز، اور جہاں ممکن ہو ٹھوس حوالہ جات استعمال کریں۔
• نفرت انگیز، ذاتی حملہ آور، غیرقانونی یا اشتعال انگیز مواد ممنوع ہے۔
• کاپی رائٹ، پرائیویسی اور مقامی قوانین کا احترام کریں؛ دوسروں کے مواد کو مناسب حوالہ اور اجازت کے ساتھ استعمال کریں۔

سوالات؟

اگر آپ کو کسی اصول کے بارے میں ابہام ہو، یا سمجھ نہ آ رہا ہو کہ نیا Topic بنانا ہے یا موجودہ میں لاگ شامل کرنا ہے، تو پہلے موجود موضوعات کو اچھی طرح تلاش کریں، پھر بھی مسئلہ ہو تو سپورٹ/ایڈمن سے رابطہ کریں۔